63. fundur faghóps 2, 31.01.2024

Fundarfrásögn

Faghópur 2

5. áfangi rammaáætlunar um verndun og orkunýtingu landsvæða

63. fundur, 31.01.2024, kl. 14:00-17:00

Fundur haldinn í netheimum

Mætt: Anna Dóra Sæþórsdóttir (ADS), Anna G. Sverrisdóttir (AGS), Bryndís Marteinsdóttir (BM), Einar Torfi Finnsson (ETF), Guðni Guðbergsson (GG), Hjörleifur Finnsson (HF) og Sigþrúður Stella Jóhannsdóttir (SSJ).

Unnur Svavarsdóttir (US) boðaði forföll

Fundarritari: SSJ

Fundur settur kl. 14:00

1. Hæð vindmylla í sýnileikagreiningu í kortasjá

Við mat á áhrifum eins vindorkukosts á síðasta fundi kom í ljós misræmi í uppgefinni hæð vindmylla, þ.e.í kynningu virkjunaraðila var uppgefin hæð vindmylla hærri en í skýrslu um viðkomandi vindorkuver. BM sendi LMÍ fyrirspurn um við hvaða hæð væri miðað við gerð sýnileikakorta í kortasjá. Svar LMÍ var að sú hæð vindmylla sem notuð var í sýnileikagreiningu í kortasjá væri sú hámarkshæð sem gefin var upp í skýrslu viðkomandi virkjunar.

ADS mun taka þetta upp við verkefnastjórn en kortasjá þarf að sýna réttar upplýsingar.

2. Mat á áhrifum virkjunarkosta

Unnið að mati á áhrifum virkjunarkosta á ferðasvæði og lokið við að meta síðustu virkjunarkostina.

3. Næstu skref

Farið yfir næstu skref í verkefninu. Næsti sameiginlegi fundur faghópsins verður mánudaginn 12. febrúar n.k..

Fundi slitið kl. 16:30