2. fundur verkefnisstjórnar 5. áfanga

Fundarfrásögn

2. fundur verkefnisstjórnar rammaáætlunar, 5. áfanga

Staður: Skúta, Skuggasundi 1

Tími: 17. ágúst 2021 kl. 13:30-16:00


Mætt:

Vstj: Jón Geir Pétursson (JGP) formaður, Agnes Stefánsdóttir (AS), Ása L. Aradóttir (ÁLA), Guðrún Arnbjörg Sævarsdóttir (GAS), Ólafur Adolfsson (ÓA), Þórgnýr Dýrfjörð (ÞD).

UAR: Herdís Helga Schopka (HHS).


Dagskrá:

  1. Inngangur – kynning
  2. Fundargerð síðasta fundar
  3. Staða þingmála frá vorþingi
  4. Skipulag vinnu verkefnisstjórnar og starfið framundan – ýmis mál
  5. Faghópar
  6. Önnur mál


Fundarfrásögn:

Fundur settur kl. 13:38.

  1. HHS flutti ítarlega kynningu á stjórntækinu rammaáætlun, forsögu, sögu hennar og fyrirkomulagi. 
  2. Fundargerð 1. fundar samþykkt.
  3. JGP fór yfir stöðu þeirra þingmála frá vorþingi sem snerta á starfi verkefnisstjórnarinnar. Frumvarp um hálendisþjóðgarð var ekki samþykkt heldur sent aftur til ríkisstjórnar af þinginu. Frumvarp um breytingu á lögum um rammaáætlun vegna vindorku var ekki afgreitt úr nefnd. Tillaga til þingsályktunar um flokkun virkjunarkosta (3. áfangi rammaáætlunar) var sömuleiðis ekki afgreidd á Alþingi í vor og gengur því til baka til ráðherra. Kosningar til Alþingis verða síðan haldnar 25.9.
  4. Skipulag vinnu verkefnisstjórnar og starfið framundan:
    1. Starfsreglur – Lagt til að gera breytingar á þeim, amk. hvað varðar samsetningu faghópa, þar sem í núverandi starfsreglum er ekki fjallað um efnisatriði sem faghópar 3 og 4 vinni að.
    2. Fyrirkomulag funda: Fundað á 2ja vikna fresti, á miðvikudögum e.h., annar hvor fundur rafrænn,  
    3. Vefsíða rammaáætlunar: JGP og HHS hittast til að ræða uppfærslu eins og þarf á efni á vef rammans.
    4. JGP leggur til að unnin verði samantekt á þeim orkukostum sem RÁ hefur fjallað um úr öllum áföngum. Gerir drög að slíku.
  5. Rætt um málefni faghópa og samsetningu þeirra, en það er verkefnisstjórnar að ákveða. Faghópar hafa frá gildistöku laganna verið fjórir talsins. Samsetning hópanna rædd. Verkefnisstjórn telur mikilvægt að allir hóparnir verði skipaðir hið fyrsta.
  6. Önnur mál: Engin

Fundi slitið kl. 16:00