2. fundur faghóps 2, 24.06.2014

Fundarfrásögn

Faghópur 2 í 3. áfanga rammaáætlunar um verndun og orkunýtingu landsvæða

2. fundur, 24.06.2014, 09:00-11:00

Umhverfis- og auðlindaráðuneytinu

Mætt: Anna Dóra Sæþórsdóttir (ADS), Anna G. Sverrisdóttir (AGS), Áki Karlsson (ÁK), Einar Torfi Finnsson (ETF), Guðni Guðbergsson (GG), Jóhannes Sveinbjörnsson (JS), Sigrún Valbergsdóttir (SV) og Sveinn Runólfsson (SR). Sigþrúður Stella Jóhannsdóttir (SSJ) tók þátt í fundinum símleiðis.

Fundarritari: Herdís Helga Schopka (HHS).

  1. Fundur settur kl. 09:10.  
  2. ADS kynnti dagskrá fundarins. 
  3. Reglugerð – Farið var í gegnum reglugerð um virkjunarkosti. 
    1. Nokkur umræða spannst um ákvæði um hljóðvist í reglugerðinni, fólk hissa yfir að beðið væri um gögn fyrir hljóðvist en ekki t.d. sjónræn áhrif. 
    2. Spurt var um tímaplanið fyrir vinnuna út frá reglugerðinni. Orkustofnun hefur sagt að stofnunin muni taka sér 4 mánuði alls eftir gildistöku reglugerðarinnar til að skila umbeðnum gögnum til verkefnisstjórnar.  Því er ekki fyrirsjáanlegt að endanlegur listi yfir kosti sem mæta kröfum reglugerðarinnar verði tilbúinn fyrr en seint í haust. Hópurinn ræddi að í þeirri stöðu væri hægt að vinna með biðflokkinn. 
  4. Önnur mál 
    1. Rætt var að athuga þyrfti hvar væri skortur á upplýsingum. Eins þarf að kanna hvaða þekking á svæðunum sem eru til umfjöllunar er til staðar innan hópsins. 
    2. Vettvangsferð: Rætt var hvort faghópur 2 ætti að fara með verkefnisstjórn í vettvangsferð í vikunni sem byrjar 11. ágúst eða hvort hópurinn ætti að fara í eigin ferð. Fer eftir hvaða svæði hópurinn þarf helst að skoða. AGS benti á vef framtíðarland.is þar sem allir virkjunarkostir (úr 2. áfanga) eru sýndir á korti. Einnig var rætt að fyrst ekki sé vitað enn hvaða kostir verði á endanlegum lista sé erfitt að búa til ferðaáætlun. HHS falið að útbúa excel-skjal til að finna tíma fyrir ferð. Stella bauðst til að fara í ferð inn að Fremrinámum, sem er mjög óaðgengilegt svæði. 
    3. Fulltrúar í hópnum voru sammála um að nauðsynlegt væri að hafa lokað vinnusvæði á  netinu fyrir báða hópana, til að vista gögn, ljósmyndir o.s.frv. 
  5. Fundi slitið kl. 11:00.

Herdís H. Schopka