Vettvangsferð á Reykjanes, 03.06.2015

Skýrsla

Faghópar 1 og 2 fóru í kynnisferð um virkjunarsvæði á Reykjanesskaga miðvikudaginn 3. júní sl.

Þátttakendur:

#	Nafn	Aðild	Þátttaka
1	Skúli Skúlason	Faghópur 1	Allan tímann
2	Ása Lovísa Aradóttir	Faghópur 1	Allan tímann
3	Birna Lárusdóttir	Faghópur 1	Allan tímann
4	Kristján Jónasson	Faghópur 1	Allan tímann
5	Sólveig K. Pétursdóttir	Faghópur 1	Allan tímann
6	Tómar Grétar Gunnarsson	Faghópur 1	Allan tímann
7	Anna Dóra Sæþórsdóttir	Faghópur 2	Allan tímann
8	Anna G. Sverrisdóttir	Faghópur 2	Allan tímann
9	Einar Torfi Finnsson	Faghópur 2	Allan tímann
10	Guðni Guðbergsson	Faghópur 2	Allan tímann
11	Sigþrúður Stella Jóhannsdóttir	Faghópur 2	Allan tímann
12	Sigrún Valbergsdóttir	Faghópur 2	Allan tímann
13	Sveinn Runólfsson	Faghópur 2	Allan tímann
14	Herdís Helga Schopka	UAR	Allan tímann
15	Erla Björk Þorgeirsdóttir	Orkustofnun	Allan tímann
16	Snorri Baldursson	Landvernd	Allan tímann
17	Edda Ruth Hlín Waage	Verkefni um landslagsgreiningu	Allan tímann
18	Guðbjörg R. Jóhannesdóttir	Verkefni um landslagsgreiningu	Allan tímann
19	Adam Hoffritz	Verkefni um landslagsgreiningu	Allan tímann
20	Reynir Vikar	Guðmundur Tyrfingsson ehf.	Bílstjóri

 

Auk þess tóku þátt í ferðinni:

#	Nafn	Staða	Þátttaka
21	Ásbjörn Blöndal	Forstjóri HS Orku	Ca. 10:30-16:30
22	Guðmundur Ómar Friðleifsson	Yfirjarðfræðingur HS Orku	Ca. 10:30-16:30
23	Ármann Halldórsson	Sviðsstjóri umhverfis- og skipulagssviðs	Grindavík, Eldvörp
24	Siggeir F. Ævarsson	upplýsinga- og skjalafulltrúi	Grindavík, Eldvörp

 

Eftirtaldir virkjunarkostir voru skoðaðir:

Eftirfarandi virkjunarkostir, sem báðir eru til umfjöllunar hjá faghópum 3. áfanga rammaáætlunar, voru skoðaðir:

• R3265A Trölladyngja
  
• R3267A Austurengjar, Krísuvík
  

Auk þess skoðaði hópurinn R3263 Eldvörp, sem eru í orkunýtingarflokki.

Leiðarlýsing:

Miðvikudagur 3. júní:

Lagt var upp frá BSÍ kl. 10:00 og ekið sem leið lá út á Reykjanes.  Ásbjörn Blöndal, forstjóri HS Orku og Guðmundur Ómar Friðleifsson, yfirjarðfræðingur HS Orku, bættust í hópinn við afleggjara af Reykjanesbraut við Vatnaborgir. Ekið var að Trölladyngju og að borholum TR-01 og TR-02. Þaðan var ekið til baka út á Reykjanesveg og inn á veg 42 í átt að Kleifarvatni. Beygt var við Vatnsskarð inn á Djúpavatnsleið og ekið að Köldunámum þar sem gengið var upp í skarðið og horft yfir Folaldadal. Eftir kaffipásu var svo ekið til baka að Vatnsskarði og Krýsuvíkurleiðina meðfram Kleifarvatni og Suðurstrandarveg í Grindavík. Hádegisverður var snæddur í Sjómannastofunni Vör í Grindavík kl. 14. Eftir matinn slógust í för með hópnum þeir Ármann Halldórsson, sviðsstjóri umhverfis- og skipulagssviðs í Grindavík og Siggeir F. Ævarsson, upplýsinga- og skjalafulltrúi Grindavíkur. Ekið var um Norðurljósabraut í Eldvörp, að holu EG-02, og fyrirhugaðar framkvæmdir á svæðinu ræddar. Fulltrúum Grindavíkurbæjar var svo ekið til baka til Grindavíkur og síðan hélt hópurinn sem leið lá aftur til Reykjavíkur, með örstuttu stoppi til að skila fulltrúum HS Orku þar sem þeir höfðu komið inn í rútuna um morguninn. Ferðinni lauk á BSÍ um kl. 17.

Sérfræðingar í faghópum tóku virkan þátt í leiðsögn um þau svæði sem farið var um og kynnti hver sitt sérsvið.

 

Tekið saman 21. september 2015

Herdís Helga Schopka