Fyrri verkefnisstjórn 2. áfanga

2004-2007

Annar áfangi rammaáætlunar hófst formlega árið 2004 með skipun 3ja manna verkefnisstjórnar:

• Sveinbjörn Björnsson, formaður
  
• Helgi Bjarnason, skrifstofustjóri í iðnaðarráðuneytinu
  
• Ingimar Sigurðsson, skrifstofustjóri í umhverfisráðuneytinu.
  

Í skipunarbréfi verkefnisstjórnarinnar var lögð áhersla á eftirfarandi:

• Undirbúa fleiri virkjunarkosti til mats
  
• Bæta gögn eða endurskoðaða tilhögun ýmissa kosta sem teknir voru fyrir í fyrsta áfanga 
  
• Vinna heildarmat á sem flestum háhitasvæðum
  
• Þróa áfram aðferðir við mat á náttúrufari

Verkefnisstjórn skipaði sér til aðstoðar tvo ráðgjafahópa:

• Landslagshóp, sem var falið að endurskoða aðferðir við mat á landslagi 
  
• Háhitahóp, sem var falið að leggja mat á orkugetu og verndargildi háhitasvæða. Upplýsingar um háhitasvæði voru settar upp á sérstökum háhitavef.

Verkefnisstjórnin lauk störfum með skilum á framvinduskýrslu vorið 2007.