Járnblendið notaði árið 2010 tæplega 6% af raforkuframleiðslu landsins, eða eilítið meira en öll heimilin í landinu samanlagt.

Heimild: Orkumál 2010

Raforkunotkun áliðnaðarins þrefaldaðist milli áranna 2002 og 2010.

Heimild: Orkumál 2010

Miðað við höfðatölu framleiða Íslendingar meiri orku en nokkurt annað land á jörðinni. Árið 2020 var framleiðslan 51,9 MWh/íbúa. Stærstur hluti þessarar orku, eða um 80%, er notaður af stóriðju.

Heimild: Orkustofnun 2021

Ísland hefur þá sérstöðu meðal þjóða heims að nær öll orka sem framleidd er í landinu er unnin úr endurnýjanlegum orkugjöfum, þ.e. vatnsafli og jarðvarma. 

Heimild: Orkumál 2010

Vatnsafl, jarðvarmi og vindorka eru endurnýjanlegar orkulindir. Hugtakið „endurnýjanleg“ þýðir í þessu samhengi að uppspretta orkunnar eyðist ekki, a.m.k. ekki innan þess tímaramma sem mannfólk er vant að miða við (áratugur, hugsanlega öld eða árþúsund).

Sjálfbærar orkulindir eru þær endurnýjanlegu orkulindir sem hægt er að nýta í takt við endurnýjun þeirra.

Engin ein skilgreining er til á því hvað sé sjálfbær og ósjálfbær virkjunarhugmynd. Hins vegar má með samanburði greina hvort tiltekin virkjunarhugmynd sé sjálfbærari en önnur. 

Íslendingar eru stoltir af náttúru landsins og telja hana vera helsta sameiningartákn þjóðarinnar, umfram bæði fánann og tungumálið. 

Heimild: Dr. Þorvarður Árnason, 2005

Menningarminjar teljast ummerki um sögu þjóðarinnar, m.a. fornminjar og menningar- og búsetulandslag. Allar fornleifar á Íslandi eru friðaðar og sumar þeirra eru friðlýstar. 

Virkjunarframkvæmdir geta haft ýmiss konar áhrif á menningarsögulegar minjar, t.d. fært þær í kaf undir lón eða valdið rofi á þeim séu þær nálægt vatnsborði lónsins. 

Hlutur ferðaþjónustunnar í gjaldeyristekjum þjóðarinnar var 26,8% árið 2013 og aflaði greinin þannig meiri tekna en bæði sjávarútvegur og stóriðja.

Heimild: Hagstofa Íslands

Fyrir covid-faraldurinn var ferðaþjónustan stærsti útflutningsatvinnuvegur þjóðarinnar og dró ríflega 2,3 milljónir ferðamanna til landsins á ári (2018). Kannanir sýna að um 80% erlendra ferðamanna koma til landsins til að upplifa íslenska náttúru. 

Heimild: Ferðamálastofa

Nýjustu tölur um fjölda starfsfólks í ferðaþjónustu eru frá 2009 en á því ári vann um 5% vinnuafls í greininni. Ætla má að með mikilli fjölgun ferðamanna síðan þá hafi störfum í greininni einnig fjölgað.

Heimild: Hagstofa Íslands

Virkjunarkostur er áætluð og skilgreind framkvæmd til að virkja ákveðinn orkugjafa (t.d. vatnsafl, jarðhita, vind) á ákveðnum stað. 

Virkjunarkostir sem ekki þykir rétt að ráðast í eru settir í verndarflokk. 

Virkjunarkostir sem ekki er hægt að taka afstöðu til vegna skorts á gögnum eru settir í biðflokk. 

Virkjunarkostir sem talið er að ráðast megi í eru settir í orkunýtingarflokk.